| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 43.64 | Dem. 43.67 (English) | >>Dem. 43.69 |
43.66ἀνάγνωθι δέ μοι τὰ ἐκ τῆς μαντείας τῆς ἐκ Δελφῶν κομισθείσης παρὰ τοῦ θεοῦ , ἵνα αἴσθησθε ὅτι ταὐτὰ λέγει περὶ τῶν προσηκόντων τοῖς νόμοις τοῖς τοῦ Σόλωνος .ἀκούετε , ἄνδρες δικασταί , ὅτι ταὐτὰ λέγει ὅ τε Σόλων ἐν τοῖς νόμοις καὶ ὁ θεὸς ἐν τῇ μαντείᾳ , κελεύων τοῖς κατοιχομένοις ποιεῖν τοὺς προσήκοντας ἐν ταῖς καθηκούσαις ἡμέραις . ἀλλὰ τούτων οὐδὲν ἔμελεν Θεοπόμπῳ οὐδὲ Μακαρτάτῳ τουτῳί , ἀλλὰ τοῦτο μόνον , τὰ μὴ προσήκοντα ἑαυτοῖς ἔχειν , καὶ ἐγκαλεῖν ὅτι πολὺν χρόνον ἐχόντων ἑαυτῶν τὸν κλῆρον νυνὶ ἀγωνίζονται . ἐγὼ δὲ ᾤμην , ὦ ἄνδρες δικασταί , προσήκειν τὸν τἀλλότρια ἀδίκως ἔχοντα οὐκ ἐγκαλεῖν , εἰ πλείω χρόνον εἶχεν , ἀλλὰ χάριν εἰδέναι , μὴ ἡμῖν , ἀλλὰ τῇ τύχῃ , ὅτι πολλαὶ καὶ ἀναγκαῖαι διατριβαὶ ἐγένοντο ἐν τῷ μεταξὺ χρόνῳ , ὥστε νῦν περὶ τούτων ἀγωνίζεσθαι .
Μαντείαunknown
ἀγαθῇ τύχῃ .ἐπερωτᾷ ὁ δῆμος ὁ Ἀθηναίων περὶ τοῦ σημείου τοῦ ἐν τῷ οὐρανῷ γενομένου ,ὅ τι ἂν δρῶσιν Ἀθηναίοις ἢ ὅτῳ θεῷ θύουσιν ἢ εὐχομένοις εἴη ἐπὶ τὸ ἄμεινον ἀπὸ τοῦ σημείου .συμφέρει Ἀθηναίοις περὶ τοῦ σημείου τοῦ ἐν τῷ οὐρανῷ γενομένου θύοντας καλλιερεῖν Διὶ ὑπάτῳ ,Ἀθηνᾷ ὑπάτῃ ,Ἡρακλεῖ ,Ἀπόλλωνι σωτῆρι ,καὶ ἀποπέμπειν Ἀμφιόνεσσι ·περὶ τύχας ἀγαθᾶς Ἀπόλλωνι ἀγυιεῖ ,Λατοῖ ,Ἀρτέμιδι ,καὶ τὰς ἀγυιὰς κνισῆν ,καὶ κρατῆρας ἱστάμεν καὶ χορούς ,καὶ στεφαναφορεῖν καττὰ πάτρια ·θεοῖς Ὀλυμπίοις καὶ Ὀλυμπίαις πάντεσσι καὶ πάσαις ,δεξιὰς καὶ ἀριστερὰς ἀνίσχοντας ,μνασιδωρεῖν καττὰ πάτρια ·ἥρῳ ἀρχαγέτᾳ ,οὗ ἐπώνυμοί ἐστε ,θύειν καὶ δωροτελεῖν καττὰ πάτρια ·τοῖς ἀποφθιμένοις ἐν ἱκνουμένᾳ ἁμέρᾳ τελεῖν τοὺς ποθίκοντας καττὰ ἁγημένα .
43.67
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 43.64 | Dem. 43.67 (English) | >>Dem. 43.69 |
